Fyrsti keppandi stjörnuflokks á dansíþróttamóti á Íslandi

Um helgina keppti fyrsti einstaklingurinn í stjörnuflokki. Stjörnuflokkur er keppnisflokkur fyrir börn og fullorðna með fötlun. Sú sem braut blað í íslenskri dansíþróttasögu var hún Agata Erna Jack, en hún keppti með hjálp þjálfara síns henni Lilju. Óskum henni til hamingju með árangurinn. Hún keppti frá dansfélaginu Hvönn. Agata Erna er búin að æfa dans lengi og skráði sig í gegnum Fjölmennt og þótti henni mjög gaman að keppa á mótinu. Gaman verður að sjá fleiri keppendur í stjörnuflokki á komandi árum.